உள்ளமெனும் கோவிலிலே
உள்ளமெனும் கோவிலிலே உறைகின்ற தேவனே
எல்லையில்லா உமது அன்புக்கிணை இல்லையே
அழும் குழந்தைச் செல்வமதை அணைக்கின்ற அன்னையைப்போல்
அல்லலுறும் பாவியெம்மை அணைத்திட நீர் வந்திடுமே
உள்ளமெனும் கோவிலிலே உறைகின்ற தேவனே
எல்லையில்லா உமது அன்புக்கிணை இல்லையே
வள்ளலே உமது வற்றாத பெரும் அன்பில்
மனந்திரும்பும் பாவிகளை மன்னிக்கவேண்டுமே
தினமுமது மகிமையினால் மனத்திருப்பம் வேண்டும்
திசைமாறும் வேளையிலும் வழிகாட்டவேண்டும்
உள்ளமெனும் கோவிலிலே உறைகின்ற தேவனே
எல்லையில்லா உமது அன்புக்கிணை இல்லையே
இயேசுவே இரக்கத்தின் பலியினையும்
இருக்கின்ற மனித இனம் புரிந்து கொள்ளவேண்டும்
அன்பென்ற வார்த்தைக்கு அர்த்தம் நீரேயென்று
அண்ணலே அடுத்தவரும் அறிந்துகொள்ளவேணும்
உள்ளமெனும் கோவிலிலே உறைகின்ற தேவனே
எல்லையில்லா உமது அன்புக்கிணை இல்லையே
