எந்தன் இயேசு வல்லவர்

எந்தன் இயேசு வல்லவர்
என்றும் நடத்துவார்
ஆ! பேரின்பம் அவர் என் தஞ்சமே
அனுதினம் அன்பருடன்
இணைந்து செல்லுவேன்

அற்புதமாம் அவர் அன்பு
அண்டினோர் காக்கும் தூய அன்பு
இப்பூவினில் இவரைப்போல்
அன்பர் எவருண்டு – மாறாதவர்
எந்தன் இயேசு என்றும் பற்றிடுவேன்

சர்வ வல்ல தேவனிவர்
சாந்தமும் தாழ்மை உள்ளவராம்
எந்நாளுமே எந்தனையே
தாங்கிடும் வல்லவராம் – நம்பிடுவேன்
என்றென்றுமாய் எந்தன் இயேசுவை

கர்த்தர் எந்தன் மேய்ப்பராவார்
சீரான பாதை நடத்திடுவார் – எந்தன்
வழி செம்மையாக்கி ஏற்று நிறுத்துவார்
எந்தன் நேசர் காத்திடுவார்
என்றும் பின் செல்லுவேன்

குற்றங்களை மன்னித்தவர்
தம்மண்டை என்னை சேர்த்து கொண்டார்
எந்தன் நேசர் ஒப்பற்றவர்
பொறுமை நிறைந்தவர் – சார்ந்திடுவேன்
இந்நிலத்தே எந்தன் தஞ்சமிவர்