இதய கதவுகள் திறக்கட்டும்

இதய கதவுகள் திறக்கட்டும் இறைவன் எழுந்தருள
பாவ விலங்குகள் உடையட்டும் அமைதி அவர் அருள
இதய வீணை உதய ராகம் மீட்டும் நேரம் வந்தது
இறைவன் அருளால் இதயதாகம் தணியும் நேரமும் வந்தது

விண்ணிலிருந்து விழுந்த விருந்து இதோ
பாவ நோயைப் போக்கும் மருந்து இதோ
ஒரு தென்றல் போல் மனம் துள்ளாதோ
இறை அன்பில் வேட்கை கொள்ளாதோ
உன்னத தேவன் சந்நிதி எங்கும் கூடியிருக்கும் மாந்தரே நீர்

எனது தசையும் எனது இரத்தமுமே
முடிவில்லாத வாழ்வை அளித்திடுமே
என்னை உண்ணும் எவனும் அழிந்திடான்
என்னை பருகும் எவனும் பசித்திடான்
நித்திய ஜீவனை அளிக்கும் தேவனை இதய வீட்டில் ஏற்று மகிழ