நன்றி சொல்வோம் இயேசுவுக்கு

நன்றி சொல்வோம் இயேசுவுக்கு
தமிழ் பண்ணிசைப்போம் இயேசுவுக்கு
நம்மை அவர் கண்ணோக்கினார் உயிரைத் தந்து மீட்டார்
எந்நாளுமே நம்மை அவர் அரணாய் நின்று காப்பார்

இயேசு என்னும் நாமமதைச் சொல்லச் சொல்ல
உள்ளம் புத்துணர்ச்சியாலே துள்ளத் துள்ள
உலகம் தரும் இடர்கள் எல்லாம்
ஒருநொடிப் பொழுதில் மாறிவிட
ஆடிப்பாடி நாளும் ஆண்டவரைப் போற்றுவோமே
அக்களிப்போம் நாளும் இன்னிசைகள் மீட்டுவோமே
என்றும் இனி நாம் பாடுவோம் அல்லேலு அலேலூயா
தொல்லையில் தோல்வியில்லை அல்லேலு அலேலூயா

பாரவோனின் தண்டனைக்குத் தப்பிவித்தார்
நம்மை பரிசுத்த பூமியெங்கும் வாழவைத்தார்
மன்னா என்னும் உணவைத் தந்து
பசியையும் தாகத்தையும் போக்கிவைத்தார்
கர்த்தரவர் இன்றும் நம்மிடையே வாழுகின்றார்
அன்பு வழி வாழ நாளும் நம்மைத் தூண்டுகின்றார்
என்றும் இனி நாம் பாடுவோம் அல்லேலு அலேலூயா
தொல்லையில்லை தோல்வியில்லை அல்லேலு அலேலூயா