இயேசு நமக்கு வேண்டும்

இயேசு நமக்கு வேண்டும்
அவர் அன்பு நமக்கு வேண்டும்
எவரையும் ஏற்றுக்கொள்ளும்
தெய்வம் நமக்கு வேண்டும்

பிரிந்து வாழ்பவர்கள் இணைய வேண்டும்
ஒற்றுமை மலர வேண்டும்
குடும்பத்தில் பிளவுகள் ஒழிய வேண்டும்
ஒரு மனம் வளர வேண்டும்
அன்பின் எல்லையை சிலுவையிலே
காட்டிய இயேசு அதற்கு வேண்டும்

மன்னிக்கும் மனப்பான்மை வளர வேண்டும்
சமரச சிந்தை வேண்டும்
மன்னிப்பு கேட்கும் மனமும் வேண்டும்
மனத்தாழ்மை வளரவேண்டும்
அன்பின் எல்லையை சிலுவையிலே
காட்டிய இயேசு அதற்கு வேண்டும்

நீதியும் நேர்மையும் வளர வேண்டும்
தூய வாழ்வு வேண்டும்
பிறர் செய்த உதவிகளை நினைக்க வேண்டும்
நன்றியுடன் வாழ வேண்டும்
அன்பின் எல்லையை சிலுவையிலே
காட்டிய இயேசு அதற்கு வேண்டும்